2024/11/20
湯文亮
當有人話香港電影已經過時，無得做，突然間又爆咗一套《破．地獄》出嚟，有老友問我，有無睇過現實版《破．地獄》，我當然有睇過，不過，第一次並不是在香港睇，而是在新加坡睇。
20年前，我有工作要去新加坡，晚上百無聊賴，行吓組屋，見到有人做法事，屍體放在中央，我嚇了一跳，問人那個法事有無名稱，答案是破地獄。
破地獄是道教為死者做的法事，目的是超渡先人，帶領先人從9層地獄的束縛解脫出來，得以安息；但令到破地獄出名的是佛教人物，大家都聽過目連救母，今日破地獄就是以目連救母為藍本，在中國，道佛早已一家親。
不同宗教也有破地獄
目連破地獄是為了救他的母親，而另一個人物亦有可能曾經破地獄，他並不是救一個人，而是令所有亡靈獲得公正審判，我講大家一定唔信，天主教徒亦唔信，甚至連我自己都唔信，大家當故事聽吓就算。
話說耶穌當日在加爾瓦略山在十字架上被刺死，3日之後復活，40日之後升天，在升天當日，送行群衆當中有人問耶穌幾時世界末日，耶穌話當他重臨，就是世界末日，屆時所有亡靈都會復活，同時會進行大審判。耶穌點解咁肯定，因為故事中，耶穌死後的3日進入了「地獄」，解救亡靈。這個故事雖然不是來自正統福音，但亦有道理，否則，很難解釋耶穌死後3日去了哪裏。有老友話，咁即是破地獄。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
