《大夢誰先覺》

細個時，阿嫲每個星期日都要我陪佢讀《關帝經》，「過五關斬六將，過關斬將有威風」，其實，《關帝經》有部分是講諸葛亮，以「大夢誰先覺」來讚賞孔明可以預先分析當時形勢，最後變成三國。

有老友同我講，在樓價急跌兼大多數評論員話樓市會繼續下跌，大銀行更加表示房地產債務違約急升超過4倍之下，恒指竟然大升，有很多沽空期指的人措手不及，輸到阿媽都唔認得，唔通中央政府降準、減息真係咁有效。

今次真係「大夢誰先覺」，中央降準減息是人所共知的事，如果唔降就大鑊了，我較早前在《明報》發表了一篇文章，題目是〈7個待判的少年〉，講及普華永道被內地政府因恒大事件被罰超過4億元，其他會計師事務所知道，就算普華永道咁大件事都只是罰逾4億元，他們可以放心在國內繼續做審計工作，這對股市來說，是一個非常利好消息，唔知有無人留意，無留意的人即是繼續瞓覺。

另一個重要消息，就是香港擊敗新加坡，重返金融中心首三名，紐倫港再現。雖然事前大家都收唔到分析，但如果有留意世界金融經濟，就知道全世界金融中心，英國倫敦、新加坡、法國巴黎、德國法蘭克福、瑞士蘇黎世，全部都受到美國監視甚至控制，只有香港是自由的，外資會發覺，留在原有的金融中心與去新加坡沒有分別，點解要去新加坡？香港就唔同，可以不受美國控制，事實上全世界需要一個不受美國控制的金融中心，所以重返首名三，與倫敦只是相差一分。下次評分，可能變成紐港倫，如果投資者有留意這些細節，就知道股市必升，如果瞓咗覺發緊夢就無得講，除非是比其他人醒得快。