《唔係學霸 唔會做暑期工》

7月初，人力資源部新同事話今年仲未有暑期工，我話未有咁早，放咗榜之後，一定會有很多父母替他們的子女搵暑期工，那些唔做暑期工的畢業生就會參加遊學團，這是香港特色。暑期返工的學生並不是攞經驗，更加不是搵錢，而是show quali，唔係「學霸」都唔去做暑期工，公司近10年所收的暑期工，成績表想搵個B睇吓都難，科科都係A，如果唔去做暑期工如「富貴不還鄉，如錦衣夜行」。

DSE放榜當日，我收到兩個老友電話，希望他們的子女可以嚟我們公司做暑期工，我話冇問題，不過收人唔收禮，連飯都唔食，我知道份禮一定貴過份人工。以前，我曾經問過一個老友，點解咁遲才替個女搵暑期工，其實，公司有暑期工空缺，7月初就可以返工，老友話唔得架，如果個女考得唔好，一定會畀同事笑，所以，一定要等到放榜之後才決定是否去做暑期工。老友話個女亦早已表明，考得好才去做暑期工，我聽到之後恍然大悟，唔怪之得在放榜之前冇學生應徵做暑期工，放榜之後，不少父母以報喜心態替他們的子女搵暑期工，所以，我聽到有老友替他們的子女搵暑期工，二話不說，首先講恭喜恭喜。

有老友問點解香港有咁多「學霸」，新加坡叻我們咁多，但「學霸」數字則不及我們。老友可能唔知道，香港秉承孔子有教無類精神，任何學生都可以成為「學霸」，在Band 1學校學生固然有機會成為「學霸」，即使Band 3，只要學生肯拼肯搏，學校亦會將資源投放在那些學生身上，甚至有學生不願意去Band 1學校就讀，寧願留在原有的Band 3學校，現在仲有咁多內地生力軍，「學霸」數字一定有增無減，要開多幾個位畀暑期工。