《OEM才是品質保證》

有老友問我司機，我們公司的私家車攞去邊度修理，他攞架車去修理廠，不但價錢好貴，而且好多後遺症，整完又整，很多時未夠一個月又要維修同樣問題。

我司機話，我們公司所有的車都是攞去一間沒有修理廠的舖頭修理，當他們收到我們要修理的車之後，就會分門別類，攞去專業的修理廠修理，例如噴漆還噴漆，換偈還換偈，至於換車胎咁小事，舖頭就會自己做，對於其他要修理的問題，舖頭除了提供零件之外，並負責監察作用，雖然收費稍貴，但沒有後續問題，不嚴格來說，這就是OEM。很多人不明白，以為自己做就是最好，其實，OEM才是品質保證。

出口商可搵最適合工廠生產

在改革開放時，我唔知道邊個發明OEM，但地點以我所知第一間OEM廠是在東莞虎門，即是林則除銷毁鴉片煙的地方，當時叫來料加工廠，其實不大正確，應該是原設備製造商，因為只有OEM廠才可以進口比較先進的機器生產，現在反而可以叫來料加工廠，因為加工廠可以按照客人指示生產，機器方面已經冇問題。

有人話出口商點解唔自己生產，而要交畀人生產，有錢都唔賺，其實好似修理汽車一樣，出口商在接到單之後，便會搵最適合的工廠生產，如果唔達標，出口商不但唔畀錢，仲要製造商承擔法律責任，所以，出口商的檢查是非常嚴謹，OEM反而是品質保證。

腐乳公司不明白OEM才是保證

腐乳公司搞到咁大件事，最後承認自己已經30年冇生產白腐乳，以OEM形式委託內地工廠生產，咁樣講即是腐乳公司只是負責監察，如果不合食安中心規格，生產的工廠應負最大責任，而腐乳公司可以委託另一間工廠生產，唔使話政府打壓，仲要執笠咁大件事。腐乳公司唔知道，OEM才是品質保證，唔使怕公開同人講。