2024/05/24
湯文亮
近日天陰陰，不時有雨，如果在平時，大家想截一輛的士都很難，唔係冇的士，而是大部分都是「冚旗」揀客，我試過已經截停的士，但突然落雨，司機立刻「冚旗」話要去接客，之後就很難截到的士，唯有乘搭地鐵。
同事在這幾日出外見客，很早就回到公司，我問同事是否不順利，同事話非常順利，包括截的士，雖然落緊雨，竟然可以截到的士，同事主動問要加幾多錢，的士司機話照表收費，唔好做壞規矩，令到同事以為自己移咗民，香港的士司機幾時變得如此規矩。
有同事乘搭Uber，平時收費150元的車程，最近竟然只收70元，同事百思不得其解。我話很簡單，的士平日落雨加錢，Uber司機知道，亦會加價，70元車程車資收150元，已經是很保守，不過唔知會維持幾耐。所以，大家現在出行，應該多坐的士，令到的士司機知道，原來維持正常收費，生意會咁好，揸車載客總好過空車揀客。
大家可能冇發覺，香港原來好似一個的士司機，商家對於來港旅客，甚至自己友都不大重視，認為生意唔憂做，當大灣區崛起，港人北上消費，而內地人減少來香港，在香港做生意的人才識得驚，自我提高質量，希望吸引多些旅客來港，以及港人留港消費。
有食肆老闆同我講，最近將所有菜餚加大份量，可以做50個餐的食材，只做40個餐，食客覺得抵，就會主動繼續幫襯。做生意是長做長有，並不是一次式的，加大份量之後，生意多咗，亦轉虧為盈，這才是生存之道，如果開徵什麼離境稅、銷售稅，始終會自我毁滅。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
