《能否既不親美也不親中》

候任總理黃循財卻不以為然，他認為這個問題很容易解決，他對記者話「既不親美，亦不親中，以利益為先」。我覺得很奇怪，這是一個商人答案，點會由一個政治人物講出嚟，就好似兩個人爭購一個單位，而業主亦認識那兩名準買家；不過，業主不講交情，只講利益，於是話邊個出得高價就賣畀邊個。

黃循財言下之意，當中美要求新加坡支持，新加坡就會以利益為量點，中美哪個給予較多利益，就得到新加坡支持，但業主可以不講交情，只講利益，但新加坡做唔到，如果唔按照美國意思去做，很有可能被美國制裁，因為俄烏戰爭，新加坡已經制裁俄羅斯，是鐵一般事實。

星候任總理「利益為先」即是親美

有記者問，如果台海衝突，新加坡會不會像制裁俄羅斯一樣制裁中國，黃循財話台灣並非一個國家，就算與中國開戰，新加坡都不會好似對付俄羅斯方法對付中國；不過，沒有記者問如果美國要求，新加坡會不會制裁中國，最低限度凍結中國人在新加坡資產。其實，黃循財已講了個答案，因為如果新加坡唔制裁中國，凍結中國人在新加坡資產，美國就會制裁新加坡，所以，如果以利益為先，新加坡一定會制裁中國，否則新加坡利益就會受到損害。一個既不親美，亦不親中政策，如果以利益為先，就即是親美。