《倘美斷SWIFT 中國再無顧忌》

我唔明白台灣綠營人士點解咁雀躍，如果美國切斷中國SWIFT，第一個受害者並非俄羅斯，而是台灣，第二是烏克蘭，既然中美反面，中國亦唔使「就住就住」，中國空軍會立刻從福建空軍基地出擊，5分鐘就可以到台灣，很快就可以武統台灣。與此同時，俄羅斯亦不會有顧忌，全力出擊烏克蘭，基輔就危險了，烏克蘭總統澤連斯基都唔想美國切斷中國SWIFT，點解台綠咁開心。

台灣率先受害 烏克蘭次之

現在美國好似一個名媛，明知老公包二奶，甚至去到明目張膽地步，但唔敢篤爆老公包二奶，名媛擔心在篤爆之後，老公不再顧忌，不但與二奶出雙入對，並且有機會要離婚，名媛就會失去地位甚至經濟支柱。所以，名媛不但不會篤爆老公包二奶，甚至將過時過節的日子讓畀二奶，名媛都識做，美國點會唔識做，台灣綠營評論員想法太幼稚，就嚟被人打仲咁開心，想極都不明白。

我問旅居台灣老友，知唔知點解日本要偷襲珍珠港，老友話因為美國對日本石油禁運，日本於是偷襲珍珠港，爭取在半年內征服中國，現在美國有700幾個海外軍事基地，但亦有咁多仇家，如果冇中國幫手撳住，那些軍事基地就危危乎，「虎虎虎」隨時會重演。老實說，政治嘅嘢，知知為不知就是最好解決辦法。