《贏了波應先同對手握手》

老友話點解班曼聯球員咁唔識做，應該大家一齊走去同凱倫握手，睇吓國家隊的乒乓球員，贏了比賽之後先同教練及隊友握手，然後再向對手握手，究竟邊個啱邊個錯。

老實說，我認為冇邊個啱邊個錯，但同意曼聯球員識做，甚至這是基本做法，體育老師應該教學生，除了贏波之外，尊重對手亦相當重要，尤其是尊重輸波對手。

我一向唔主張合資買樓，首先，唔係老友就唔會合資，在合資之後，很多時老友變冤家，尤其是在賣樓的時候，如果不是賣俾外人，而是由另一方買入對方股份，無論樓價升跌，一定會有一方贏，一方輸，如果贏了的一方唔識做，老友變死敵絕不出奇，所以，有經驗的人就算同人買樓，最後都會賣畀外人，唔會賣畀合資的老友。

不過，凡事都有例外，如果將股份賣畀合資的人，雙方關係亦變成對手，屆時就要小心處理，無論樓價升跌，都會有人贏有人輪，有質素的人贏了之後唔會同人講，就算俾人問到，都只會話對方承讓或者割愛，稍為講多兩句就會變成是非，生意人更加圓滑一些，明知自己蝕底，例如賣了股份之後樓價上升，見到面都會首先恭喜對方，今次並不是買賣不成仁義在，而是買賣之後仁義在，生意人明白這個道理。