《擔心「假王子」原來是真王子》

我話小不忍則亂大謀，千祈唔好中激將法，唔係唔去買包包，而是去其他分店買，仲想辦法令到怠慢佢老婆的售貨員知道，咁樣才可以出一口烏氣。

我有小小替香港政府擔心，迪拜王子表示投資5億美元在香港設立家族辦公室，立刻被傳媒質疑王子的身分，嚇到班高官立刻縮沙，唔敢去簽約儀式或者開幕典禮，只派一個官員去，王子見被香港政府怠慢，於是連網站都關了，話王子是「假王子」的人立刻大肆報道，網站都關了，仲唔可以證明王子是「假王子」。

言猶在耳，王子網站重開，頭版仲加上3名酋長，今次大鑊了，話王子是騙子的人立刻收聲，官員唔知點樣處理這個問題。

做官似做生意 忌怠慢客人

我相信現在香港官員非常擔心，除了王子有可能是真王子之外，如果再來香港當然冇問題，官員甚至不惜紆尊降貴，拉大隊去見王子，但最怕王子去新加坡投資，而且唔止王子自己，仲拉埋其他家族成員。

新加坡政府除了高調接待，給予各種方便之外，仲多謝香港政府將王室這個客戶送給他們，香港政府官員的顏面何全，其他人又夠唔夠膽來香港開設家族辦公室。

其實現在做官好似做生意，千祈唔好怠慢客人，其他人點講由得佢哋講，做錯又唔關他們事，因為是由香港官員「孭飛」。