《港股港樓 料次季皆升》

雖然話有很多香港人在復活節假期離港，尤其是北上廣深消費，但我的老友很多仍然留在香港，他們不是刻意留港消費，而是享受難得的寧靜生活。事實上，高級食肆、會所等生意沒有影響，甚至家宴的廚師都做唔切，由此可見，北上消費的大多數是基層市民，影響的亦是服務基層的餐廳。

市民搵到錢 自然會消費

我有不少老友在政府全面「撤辣」之後，投資地產心態亦改變，不但長揸，亦可以短炒。既然有人長揸，有人短炒，樓市點會唔升，股市都是一樣，冇人炒，個市就會慢慢跌，有人炒就會升，現在香港股市已經跌到一個不合理水平，不少公司股票市值只是資產淨值三分之一，再下跌的幅度不大，亦是短炒好時機。老友在復活節假期部署，唔敢講股市在假期後會急升，但3個月升10%亦非難事。

至於樓市，如果政府唔「撤辣」，講多都冇用，現在政府全撤，即是默許大家炒樓，正是行船爭解纜，唔炒就笨；事實上，有很多人都有能力買樓，不過心大心細，現在見到多了人買樓，又怕執輸，所以，在未來3個月，樓價會升得很急，未有樓的人要着意多少。

如果有人炒，而股樓又上升，唔使政府搞，夜繽紛都會出現，大家搵到錢，消費是很正常，唔使山長水遠北上消費，不如留返啲時間在香港搵真銀，北上消費其實是浪費。