2024/03/22
湯文亮
有一個一向唔主張買樓的老友最近匆匆忙忙買了樓，理由是在「撤辣」之後，業主通知佢已經將他租用的單位賣了畀一個內地人，而且很快成交，以後交租就要交畀那名內地業主。老友聽完之後立刻去地產代理舖頭搵樓，去到之後發覺一件事，就是市場上傳說的筍盤根本沒有，代理話那些筍盤只是曇花一現，即使在樓市最差的時候也很快就沒有了，更何况是現在，如果有能力又有需要，就唔好考慮咁多，物業代理當然係咁講，但一定要考慮自己負擔能力。
我識得不少內地人在香港有樓收租，他們最喜歡將單位租畀香港人，就算平些少都冇問題，因為香港人除非移民，否則就唔會咁容易搬走，租畀內地人或者其他地方的人就唔同，一句話公司要佢返祖家，就唔續租。做業主的人知道，如果每一張租約都只是租一兩年，業主收少很多租，本來有錢賺都變咗蝕本，租畀香港人就少了這些顧慮。
以往很少內地人在香港買樓收租，就算唔使畀30％都要畀15%印花稅，無端端將5至10年租金送咗畀政府，內地人唔會咁蠢。現在政府不但全「撤辣」，仲表示「辣招」框架仍在，隨時可以重推「辣招」，即是叫內地人有買趁手，如果內地人買了之後暫時未用得到，最好辦法就是將單位出租。老實說，在世界上有不少地區如果將單位租了出去，唔係咁容易收得返，就算對方唔交租都冇符，所以，在外國有不少業主寧願將物業丟空都唔會租畀人。在香港就沒有這個煩惱，租約到期或者唔交租，租客一定要遷出租用的單位，有乜辦法在「撤辣」之後唔係立刻有咁多內地人在香港買樓，唔知道賣了樓的香港人，如果要租樓的話，知道業主是內地人會有乜感想，如果擔心以後租樓的業主是內地人，就唔好賣樓，因為機會都很大。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
