《鬱鬱寡歡的銀行家》

很多人唔明白，call loan是銀行家職責，他們只會按本子辦事，唔係賴金管局就會話係銀行風險管理部的要求，唔會令到自己鬱鬱寡歡。如果call loan都會令自己唔開心，絕對唔適合做銀行，銀行家鬱鬱寡歡是另有原因。我都做過銀行一段短時間，知道做銀行家的心情，我做銀行的時候，即使是一個職員仔，都會俾人捧上天。

大家可能忽略了，一個人最開心就是借錢畀人的時候，一定會被債仔捧上天，就算買債券，一樣會被發債的人捧上天，睇吓「許老闆」當時對那些買債的人幾咁好，因為買債的人是借錢畀發債的人，不過，開心還開心，借錢畀人最擔心就是債仔冇錢還，開心變成傷心。

銀行家就不用擔心債仔唔還錢的煩惱，因為銀行家所借出的並不是他們的錢，天下最開心的事莫過於借別人的錢畀其他人，現在不但唔可以借錢畀人，仲要追客戶還錢，試問銀行家又有乜辦法唔鬱鬱寡歡。不過，銀行始終要做生意，唔會永遠唔借錢畀人，鬱鬱寡歡只是暫時性，期望銀行家很快變返開開心心，又可以借別人的錢畀其他人。