《人無信不立》

我當然不是最慘，不少父母因為美斯唔落場而踢晒腳，有不少是一家四口去睇美斯，用萬幾元不是問題，但美斯唔落場，都唔知點樣對子女交代。不過，作為一個反面教材，亦不是一件壞事，最低限度令子女知道「人無信不立」。

但我認為那些父母都不是最慘，最慘是美斯與國際邁阿密，美斯作為一個球王，就算球會唔准佢落場，他一定要據理力爭，傷患嘅嘢，隊醫點可以check得到，落場10分鐘就可以解決問題，全世界都唔明白美斯點解唔落場。我夠膽講，美斯一定唔可以做到球王，技術點好都冇用，冇品德就唔可以做到球王。

一場盛事變憾事

如果沒有美斯，國際邁阿密只是一隊三流球隊，今次美斯唔落場，什麼信譽也沒有，如果對日本神戶勝利船的賽事取消，國際邁阿密很難在國際市場立足，不出兩三年，甚至會從美職聯除名，因為冇其他球隊夠膽請國際邁阿密打表演賽。

有人話國際邁阿密是根據合約處理，按報道，合約表明美斯有傷患是可以不落場比賽；縱然合約這樣寫，但不是完場前10分鐘才話不落場，而且一直暗示美斯一定會比賽。總之，由一場盛事變憾事，美斯及國際邁阿密的損失最大；或者，這是中國人與美國人的不同處理方法，美國人話合約精神，中國人講人無信不立。