2024/01/12
湯文亮
明日台灣選舉，本來香港物業投資者絕不理會，無論賴清德贏，侯友宜勝抑或柯文哲當選，都與他們無關，但今時唔同往日，不少物業投資者都在關注台灣選舉，因為結果對他們影響很大。
有不少投資者問我，今次台灣選舉，究竟會由國民黨抑或民進黨勝出，根據封關前民調顯示，賴清德領先侯友宜大約3個百分點，大約有12%選民未決定投誰，柯文哲都有約兩成支持率，所以結果很難預計。
民進黨料「贏波輸盤」
我認為如果沒有任何其他政治因素，民進黨一定贏，但現在是「贏波輸盤」格局，主要是支持民進黨的人唔敢去投票。有兩個理由，一是擔心打仗，二是中國大陸取消讓利政策，物業投資者聽到我咁講，開心到阿媽都唔認得，仲話請我食飯；不過，投資者又問，萬一民進黨贏咗，香港有什麼變化？
我話變化就是他們擔心的事，台灣銀行會call loan，近年台灣銀行在香港非常進取，或者是人棄我取，香港銀行唔做物業投資者生意，台灣銀行接手，亦解決不少物業投資者煩惱，但如果民進黨勝選，兩岸關係一定冰封，就算唔打仗，讓利政策亦會逐步減少，台灣銀行有可能要收縮在香港的生意，咁樣就要向物業投資者call loan。
事實上，現在要轉按亦不是那麼容易，到時將會有不少投資者出現困難，不過不用太擔心，即使call loan亦不會是今年內的事，香港銀行亦要做生意，接受投資者轉按亦不出奇。不過，我堅持我的睇法，民進黨將會是「贏波輸盤」，侯友宜當選。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
