《劏場舖慘過納米樓》

我話唔係啩，蝕咗本要我負責，賺咗錢會不會分畀我，當然唔會，不過，當時我亦有撰文，提醒那些買納米樓的人，但亦唔能夠叫他們唔好買，否則一定有地產商找我晦氣，不過，我不畏強權，很少寫關於納米樓的文章，原因是當時有買家同我講，以買一個車位價錢可以買到一間納米樓，有乜理由唔買，我唔知點樣反駁，唯有久不久提醒大家，就算買納米樓都唔好借得咁盡，因為納米樓下跌的幅度比較其他類型的樓宇大得多，如果借得太盡，很容易變成負資產，而且二手納米樓的承接力比較薄弱，要劈價很深才可以賣得走。

隨時蝕九成離場

當大家認為納米樓是最差的物業投資時，其實還有比納米樓更差的，現在如果要賣走納米樓，我相信蝕本四成是極限，但如果賣劏場舖，有機會蝕足九成，有不少例子有人買業主蝕讓八成的劏場舖，最後仍然要蝕錢，如果勸那些人唔好買，答案與買納米樓的人大同小異，他們會話以買一個小型住宅單位的價錢可以買到一個舖位，點解唔買。

我最後發覺，根本唔需要撰文叫人唔好買劏場舖或者納米樓，有心買的人如果唔買是不會甘心，叫他們唔好買反而會被埋怨，如果買過的就算借埋錢畀佢哋都唔會再買，撰文提醒他們是多餘的。