《私有化才有機會上富豪榜》

我話我老闆根本唔知上《福布斯》，甚至現在上埋《胡潤》，亦沒有咁大筆費用畀我去搞，我只是實話實說，上唔上到榜是由《福布斯》的人話事，與我無關。不過，我知道一件事，由於我們沒有上市，所以比較容易上《福布斯》。

上市公司主席認為一家上市公司的主席，社會地位應該比私人公司老闆高得多，《福布斯》應該考慮這個理由；但他不明白，《福布斯》最後都要秤身家，私人公司秤資產，上市公司秤股價，如果沒有咁多身家，一定唔可以上到市，《福布斯》亦要睇到自己個招牌，唔可以亂搞。

上市公司主席問有冇辦法上《福布斯》，花多多錢都願意，我話辦法是有一個，雖然要使一大筆錢，但很快有回報，就是將上市公司私有化，以主席的上市公司為例，股票市值只有資產淨值四成，如果以1倍股價私有化，我相信成功的機會很大。私有化之後，上市公司回復「真身」，上到《福布斯》並非難事，主席同意我的睇法，但將股價提高1倍收購是很難接受，我話仲有一個比較慢的方法，就是現在趁低吸納，幾個月之後再提出私有化，咁樣會慳很多。不過，如果股市上升，可能再要提價，如果一定要做，早做好過遲做，股市低迷時做好過㷫烚烚時做，但係如果唔將公司私有化，是很難上到《福布斯》。