《人窮思外宅》

當那些人買外地物業時，只需要打張支票匯過去便可以，物業代理話當有一日，物業賺了錢要調回香港時，只需要打張支票便可以。其實物業代理知道，即使賣了樓，在外地調資金回香港是有困難的，如果唔用「螞蟻搬家」方式，就只能用地下錢莊；不過，物業代理是不會講真說話，否則香港人仲會買外地樓？

賣外地樓搬錢回港 無想像中易

近日雖然誤傳銀行無端端call loan，金管局亦作出表態，認為按揭客戶在準時還款的情况下，銀行唔應該call loan。條件放在枱上，客戶首先要準時還款，而事實上不少業主對於準時還分期的確存有問題，但是他們不擔心，人常說人窮思舊債，他們思的是「外宅」，認為只要將外地物業賣走，將資金調回香港，便可以解決問題，最低限度一段時間可以準時供款。

當那些業主賣樓時，本來是滿心歡喜，以為可以大賺一筆，誰不知售價絕非他們想像中咁理想，而且不是咁容易賣出，就算可以賣走，都唔係咁容易把資金調回香港。有人話可以經地下渠道，我認為非常危險，有可能收唔到匯款，仲可能被人電騙勒索，想起都驚，到那時候才會想到，早知在香港買樓，就算蝕多少錢都唔會攞唔番。有老友話我不對，應該早些發文提醒大家，我話冇用㗎，有一些投資是要自己親身經歷過、苦過、蝕過錢才會識得避險。