Follower(Sam) 的 粵港澳大灣區的房產放租管理 (二）

筆者上回分享雖然做「收租佬」的日子都係8年左右，但最長一個租客已連續租住了6年。原因？ 除與租客有著良好溝通及關係外，而且還有一點必殺技。 以往遇到租客的一些要求，雖然租約寫明有一些項目不會包括維修，例如水龍頭🚰人為損壞，隔器、花灑頭壞，但筆者在合理的情況下也會幫佢攪。可能閣下會覺得「梗係跟租約去處理」當然道理在我們這邊廂，但也得要彈性處理(或出資一半)。祗花那數百元換來好租客，因為最後得益的就是業主自己。 讓我再多舉一例，是筆者親身經歷其中一個比較深刻的個案。 租客甲住了半年，之後提出想安裝寬頻。因要拉線，拉線入屋收費要$1,200，因大廈問題，這家寬頻公司是獨市生意。租客當然想我付費，租約當然有寫不是業主負責罷，但筆者沒有拎合約去「撻」佢，只輕描淡寫說了一句，”既然你有需要，就各出一半費用罷。”租客甲聽了當然立刻應承，之後便找師傅安裝。 過了幾天，租客甲whatsapp張收據比筆者，並說：”原來個安裝師傅自己有兼職，佢只係收$800 ，咁就整咗。” 最後，即係我只係洗咗$400。說較深刻，故事當然未完。 租客甲最後租了六年，當中加了兩次租但每次加幅只是輕微且低於市場低。當最後租客搬走時，我發現他竟然響果年年頭換了全屋冷氣，全部都是樂聲牌，租客甲只說了句”冇所謂啦，橫掂都係我用啊，而且我知你都好好人，冇所謂啦！” 聽到呢度，咁你覺得我係蝕底了還是賺了？ 自己收租的經歷學會了凡事都唔可以太過斤斤計較，而且學了要有彈性去處理問題；否則，損失的全是自己。同時也鍛練之要有耐性，這也許是談判的技巧罷。 另外，處理租客續約切勿太貪心,否則租客退租自己又要重新放租，得不償失。錢是賺唔盡的，何不來個winwin. 租務管理，硬件的物業當然要去管，其實管好租客的心更為重要。 下一篇分享下大灣區租務。