《點解咁多半新樓要蝕讓？》

有不少人對下跌中樓市有一個疑問，一般二手樓跌幅不是很大，除非樓層不高、方向不佳，而且內籠質素很差，但半新樓唔同，差不多所有半新樓都要蝕15%至20%，如此來說，以後是否唔應該買新樓？

無可否認，在政府「撤辣」之前，市場上只得一種購買力，就是未有自住單位的人，而且他們的實力不足，買二手樓比較困難，地產商為他們度身訂造一個買樓方案，令到那些人可以輕輕鬆鬆上車。不過，這個方案有一定危險性，樓市順風順水還可以，如果有乜阻滯，或者利息上升，那些業主可能守唔住，要蝕讓他們幾年前買入的新樓，當他們賣樓的時候就會發覺要蝕很多錢，一個600萬、700萬單位隨時要蝕100萬，計落大約是16%至17%。

其實又唔係好多，但這個結果足以令傳媒話樓市大冧了，如果傳媒了解地產商為那些實力不足的人設計買樓方案，對樓市報道就會收斂一些。

地產商知道，那些買新樓的人實力不足，可能只得樓價10%現金，即使可以申請按保做到九成按揭，但已經冇錢裝修及畀印花稅，地產商於是提高樓價，以回贈方式退回一些樓價給買家畀印花稅，並且替買家裝修，務求買家在收樓之後「赤手空拳」便可以入住。

不過，羊毛不會出在豬身上，所有費用都是由買家付，樓價於是大幅飈升，不明白內裏原因以為樓市形勢大好，其實，數字遊戲而已。

有人話，半新樓樓價下跌是鐵一般的事實，不容我狡辯。其實，我只是實說實說，如果半新樓業主在賣樓時應承買家單位全新裝修，並且由佢付印花稅，我相信買家可以提高買價，半新樓業主即使蝕都唔會蝕太多。