《騙子專向輸家埋手》

我話不用擔心，現在大家都知道那些利用知名人士叫人投資的是廣告，甚至是有欺騙成分的廣告，如果信那些廣告就貴客自理，不過為了安全起見，最好去警署備案，而且仲唔好出post叫人投資，講吓分析當然可以。

我家姐話仲唔止，那些廣告話佢自小家貧，投資又失利，不過，靠幾隻股票打了一個翻身戰，贏了過千萬，講到佢咁慘；其實，佢兩三日可以收到過千萬租。
輸到貼地想翻身 輸家易有共鳴

我家姐可能唔明白，騙子很少向贏家埋手，大多數是向輸家埋手，話打了一個翻身戰，即是曾經輸到貼地，與輸家產生共鳴，便會跟着他們投資。

所以，如果唔想有人影響你的投資決定，最緊要唔好話輸，幾時都話贏，既然贏緊錢，就不用改變投資方法。所以，不少人叫我投資基金、買債券，我話投資地產已經贏到條褲都着唔落，唔想改變我的投資方法，原來我咁樣講，最後竟然避過一劫，否則我一定買債券，坐響度已經有8%至10％回報，點解要買樓收租，仲要被政府打壓，畀人當賊扮。

騙子除了向輸家埋手之外，仲會向那些急功近利者埋手，有不少人手上資金不多，希望可以在短時間內搵大錢，唯有向那些冷門投資產品埋手，贏了又多了一個神，正式名利雙收，輸了當然唔會講畀人聽。不過，有些人真係蠢到加零一，明知那些冷門投資輸多過贏，仲會同投資公司做廣告，有乜依郁，投資公司甩身，那些替人做廣告的人就上身，騙子亦很喜歡向那些好出風頭者埋手。