周六早上，有歐洲租客到公司簽合約，佢話來香港真好，如果公司派佢去日韓台，佢一定唔會去。佢話日本現在排緊核污水唔使講，台灣同韓國亦唔好得幾多，因為中國停止進口日本海產，日本海產商人一定會對日韓大減價促銷，去台韓食魚生就平靚正，不過有冇污染就唔知，到發覺有cancer，已經係兩三年後嘅事，到時喊都無謂，而且仲會俾人話明知台灣、韓國沒有禁止日本海產進口，但仍然願意去當地長居工作，真係唔抵可憐。
租客問點解中國咁果斷禁止日本海產進口，我話不是果斷問題，而是文化不同，外國雖然話民主，其實並不是人民做主，而是人民選出來的人做主，如果做錯，那些當權人是沒有責任，就好似今次排核污水，就算日本要排，都要做一次公投，並不是由岸田文雄話事，日本連公投都唔敢做，又點算民主？台灣與韓國也是一樣，應該做一次公投是否禁止日本海產進口，如果超過半數反對，以後有事就不能夠怪蔡英文及尹鍚悅。
是否禁日本海產進口 台韓應公投
中國是沒有民主，不過，中國有一個思想，當權者應該「民為貴，社稷次之，君為輕」，今次日本排放核污水，當地海產首當其衝，如果中國政府明知道有危險，仍然讓日本海產進口，兩三年後癌症病例大增，習主席及所有領導人怎樣向市民交代，搞不好甚至出現民變。所以，中國政府基於民為貴，根本不用搞什麼公投，直截了當禁止日本海產進口，令到岸田文雄好似一個放了毒藥落杯酒的人，見對方唔飲發晒茅，立刻叫中國政府撤銷日本海產進口的禁令，習主席睬佢都儍。
由於海洋流轉需要一段時間，估計大約640日才會影響歐美，所以，歐美國家不但沒有禁止日本海產進口，歐盟甚至最近撤銷福島等10都縣的禁令，但如果歐美再推出禁令，無疑是宣布日本滅亡。所以在排放之後，日本以後一定聽命於歐美，來換取歐美不會推出禁止日本海產進口的禁令，最簡單就是要多買美債，容許歐盟牛肉進口日本，之後日本就要變成歐美附庸國，將自己國民變成二等人。
