《一個大潭篤水塘 足可處理福島核污水》

有人話除了國際原子能機構（IAEA）話冇事之外，歐盟亦解禁福島等10個都縣海產農產入口，核污水應該冇事。其實，歐盟解禁福島等海產農產品是一項交易，日本容許歐盟牛肉入口，這項交易我認為日本損失甚大，日本養牛戶將會受到重大損失，歐盟雖然容許福島等海產農產品入口，但沒有強迫國民購買，試問教育水準甚高的歐洲人又點會買福島等海產農產？而且當日本海域海產出現異變，歐盟立刻會禁止日本食物入口，而日本又唔能夠反制，最後受到重大損失的就是日本，歐盟這招可用一個字來形容──「絕」。

有人問我如何解決日本核污水問題，我以一個不是專家的身分回答，只要興建儲存量與大潭篤水塘相若的封密水庫一個或者多個，便可以解決問題，按照排放計劃，日本每日排放500立方米，為期30年，總排放量是547.5萬立方米，而香港大潭篤水塘的儲存量是604.7萬立方米，我相信日本是可以做得到，雖然或者做價很昂貴，但總好過將核污水排放入太平洋。

大家唔好以為現在太平洋的水很乾淨，美國與法國已經在太平洋做過唔知幾多次海底核爆，海水早已被污染，而異變海產亦不時出現，不過各國唔知點樣追究，倒不如不追究。現在日本排放核污水，以後有乜事一定賴日本人，始終唔明白日本人點解咁蠢，只要建一個大潭篤水塘便可以解決問題都唔做，寧願將核污水排放入太平洋。