Your browser does not support JavaScript! In order to see this website, please enable JavaScript!
我們偵測到您的瀏覽器不支持JavaScript!為了可以使用本網站,請開啟JavaScript!
五月 19, 2024 星期日 微雨 24° 88%

生養死葬

 
     
2018/08/22 杜鳳儀
昨天一則塌樹殺人事件, 令香港人再次響起警號. 這是過去10年第5宗同類意外.今次慘劇主角係一名外籍家庭傭工. 勞工保險一般都保障工傷或因工死亡嘅賠償, 筆者昨天見到一篇新聞報導, 有僱傭中介機構指出原來有僱主只買強制性嘅勞工保險, 而忽略咗要為外傭購買覆蓋較全面嘅僱傭保障, 其實每年保費相差不過是3、400元, 但僱主嘅保障就即時提升, 冇錯, 我講緊嘅係僱主嘅保障. 當然有時並唔係僱主想慳嗰幾百蚊, 而係可能完全唔知都唔定. 全面嘅僱傭保險不單止保障工傷或因工死亡賠償咁簡單, 它是可以延伸到好似上述情況, 由於勞工法例保障外籍家庭傭工, 基本上是生養死葬, 即係外傭響工作期間遇上意外、嚴重疾病甚至乎死亡, 僱主都需要為佢哋負責. 如果出了以上狀況, 僱主責無旁貸. 過去筆者曾經接觸到有個案係外傭患上癌症, 住院多個月, 連僱傭保險內嘅醫療賠償都用盡, 僱主便需要自己負責餘下嘅醫療費用, 所以亦引申市場上出現外傭危疾保險, 唔好以為講笑, 有人會問連自己都冇買, 反而要幫外傭買?當然你有權選擇你同外傭都唔買, 到有事發生時,你自己可以去政府醫院慢慢排, 甚至乎唔醫, 但外傭要醫的話, 你冇得拒絕, 佢只係去住政府醫院都當成非本地居民收費, 條數都幾襟計. 如果不幸地因病過身又或者同上述意外主角咁, 僱主仲有責任要將遺體運送返原居地, 費用需要幾萬, 縱然僱傭保險一般只可以响這個項目賠償大概2至3萬港幣不等, 但至少都可以幫補一下僱主嘅財務損失. 最後, 筆者希望政府有關部門好好檢視一下社區樹木嘅健康狀況, 免得再有同類意外發生禍及無辜.
(文章內容純屬作家個人意見,並不代表本網頁立場)
贊助