《老闆想賣盤 先要整好盤生意》

做生意一理通百理明

其實我唔識做飲食，不過做生意一理通、百理明，我記得公司最初的時候買一些舊屋翻新，然後再租出去，當有一個穩定及有名租客之後，就將物業賣走，老實說，利潤是非常好，但好似有一種為他人作嫁衣裳感覺，就算賣得好價錢，又要搵其他舊樓做翻新、出租，忙來忙去，最終得個吉。最後老闆決定，翻新後又租得唔錯的單位只租不賣，期間我又用了一個辦法叫「逢三退一」，在市道最旺時候，將質素比較差的物業賣走，得到的現金在日後執筍盤，老實說，這是一個很蠢的方法，要用很長時間才睇到效果，而且，利潤是隱藏在物業升值之中，所以，唔係太多人採用這個方法，一般人會覺得即買即賣，如果利潤高的話，隨時可以變成一個投資王。

去到小店，仍然由舊老闆招呼，佢話等我好耐，原來佢真係聽我講，盡力做好間小店，皇天不負有心人，最後被小紅書唱好，立刻變成網紅店，每月有不俗利潤，老闆見到生意咁好，如果賣走之後變成終日無所事事，就算賣得價錢唔錯，可以再開一間小店，亦未必有把握做得咁好。老闆問好唔好買咗個舖位，因為業主開價非常合理。我點會話唔好，小店老闆真係執到寶，從要蝕本頂讓，到賺錢買舖，老闆的心情真係難以形容。