《荷蘭首相應一早辭職》

有報道指荷蘭首相為了難民問題，與內閣一起總辭，這叫做「呃鬼食豆腐」，荷蘭與其他歐洲國家是一樣，難民問題是很難解決，如果唔引入難民則勞動力不足，如果太多難民則會令社會資源被攤薄。如果為了難民問題而總辭，可以咁講，歐洲所有國家以後都不用選首相以及組織內閣，無謂上任之後又要辭職，又要解散內閣。

係人都知道荷蘭首相呂特因為批准制裁中國，唔准光刻機出口去中國，令到中國禁止鎵、鍺等半導體元材料出口，荷蘭ASML首當其衝，據聞ASML的鎵、鍺存量不足40日，以後或影響生產。雖然呂特話歐盟會出聲，但歐盟都自顧不暇，又點會幫荷蘭出聲？呂特冇辦法，唯有與內閣總辭，話晒當日都是內閣全體表決禁止光刻機出口去中國，現在，差不多可以說毁了ASML。

應在禁光刻機出口中國之前辭職

如果呂特學關公，得閒睇吓《春秋》，就可以救到ASML，以及內閣唔使總辭。老實說，大家都知道禁止光刻機出口去中國不是荷蘭的意思，而是大國的意思，咁嘅情况，春秋不時會發生，大國經常要求小國或割地，或貢獻寶物，甚至美女，負責談判的小國大臣到最後一刻就會用不同方法請辭，就算用父母過身理由，最低限度都要守孝三年，在這段時間，大國亦不會欺人太甚，幾年後又另一個世界，但最低限度可以拖幾年。

我並沒有話呂特辭職唔啱，但應該在禁止光刻機出口去中國之前，呂特辭職之後，大國亦不會咄咄逼人，新首相最低限度可以拖到一兩年，但呂特竟然落了order之後才辭職，唔知係佢蠢或者相信佢的人蠢，或者呂特是完成了任務才辭職，即是好似日本首相岸田文雄，如在將核污水排放入太平洋之後引咎（其他原因）辭職，其實是完成了任務。