《樓市是否永遠沒有牛市？》

很多人以為「反差萌」是網絡用語，當然唔能夠話錯，不過，「反差萌」原本是日本詞語。專欄作家一向睇淡樓市，覺得一直睇好樓市的老C不是同路人，突然聽到老C話樓市牛市永遠不會來臨，嘩，這個反差不得了，覺得老C覺今是而昨非。

年初睇淡年中睇好 到年尾一定準

其實，如果大家有留意到老C評論，他經常出現反差，年初睇淡，年中睇好，所以到了年尾時，老C對樓市預測一定準確。事實上，經常反差的人基本上沒有反差，不值得大驚小怪。

老實說，老C受條件限制，不能夠唱淡樓市，否則他的伙計又如何叫人買樓，他已經是物業代理界最睇淡樓市的領導人，行內人知道，叫人買樓容易過叫人賣樓多多聲。

事實上，賣樓的人大多數都是主動搵物業代理賣樓，否則，代理又有何辦法叫一個業主賣走他的自住單位，老C唱淡樓市即是倒自己米，就算他肯，他的伙計都唔肯。

我同意老C所講是手民之誤，老C點會話樓市牛市永遠不會來臨，什麼都應該有一個期限，就算結婚時誓言都只會話一生一世，不會講永生永世，所以老C最後修正為牛市今年不會來臨，這才是真正的「反差萌」。

但這個「反差萌」令到相信他反差的人唔係幾開心，如果我係佢就會話，老C又嚟今日的我打倒昨日的我，就是「反差萌」真正的意思。