2023/05/19
湯文亮
近日見到一個平日非常開朗，天跌落嚟當被冚的銀行家，現在變得非常落寞，一個人在酒吧小酌，我本來都唔想打招呼，但壓不住八卦的心情，問吓銀行家是否客戶令他非常煩惱。
銀行家話，現在做緊一件必輸工作，就是銀行要求他的客戶還債，理由是那些客戶買了銀行推薦的債券，有一部分債券現在已經沒有價值，雖然銀行不會有損失，因為客戶有物業抵押，但會扯高按揭成數，可能不符合金管局規定。事實上，有不少客戶有正常生意，在復常之後，兩三年就可以追回債券的損失，但現在追客戶還錢，真的是追到又死，追唔到又死。
有自唔在 攞苦嚟辛
倘若客戶還錢，就算客戶沒有因此而離開，最低限度都會失去巨額貸款，銀行家無端端唔見了很多生意，明年甚至今年尾，銀行又會要求職員爭取生意，舊客就很難會畀生意給銀行，新客又要爭崩頭，真係趕鬼出趕鬼入，有自唔在，攞苦嚟辛。
如果因為追數搞到客戶要賤賣物業，理論上銀行是沒有損失，但會失去一個可靠客戶，古人話治大國如烹小鮮，其實銀行做生意都是一樣，一切運行順利的話，點解要搞客戶？銀行家的心情落寞是可以理解的。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
