2023/05/11
湯文亮
昨日食完中午飯之後行過生果檔，見到啲橙幾靚，檔主不在，於是叫睇檔的人揀幾個，回到公司之後發覺有兩個爛橙，其他兩個冇事，沒有將事情放在心上，繼續工作。
放工時又經過生果檔，檔主見到我立刻話唔好意思，剛才睇檔的人誤將一些次貨賣給我，檔主再給我幾個，我話好嘅已經食咗，爛嘅已經掉咗，冇得換返畀佢。檔主話換唔換唔緊要，最緊要我肯收這幾個橙，因為一向以來，他的生果檔都是標榜貨真價實，冇理由為了幾個橙毁了聲名，咁樣我就恭敬不如從命。
必須守住貨真價實底線
近日報章有不少買藥材海味不足秤的報道，那些海味店還未向客人解釋清楚，就已經將藥材切片，遊客唔滿意，隨時會驚動警察，而且拍片放上YouTube，變相蠶食香港購物天堂這個金漆招牌，所以，千祈唔好因小失大，不但害了自己，仲害埋其他香港人。
政府亦有責任保護香港購物天堂這個金漆招牌，對於那些欺騙遊客的商戶絕不能手軟，在以往，對於那些欺騙遊客的商戶，判罰不算太重，間接助長那些不法行為。政府應該知道，貨真價實是香港一條要死守的底線，如果守唔住，不但會失去購物天堂這個金漆招牌，甚至連金融中心也不保，到時候，做什麼也沒有用，遊客以及投資者已經對香港失去信心。所以，對於破壞貨真價實的人，一定不能手軟。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
