《回流客買樓 可以唔睇樓》

雖然報紙經常報道劈價蝕讓成交，但亦有報道一些人可以即睇即買，甚至唔睇樓買樓，但遺憾的是報道只是略帶諷刺，話唔明白點解有人可以唔睇樓買樓，並沒有深究點解會有人即睇即買，更加可以唔睇樓買樓。

由於報紙經常報道劈價蝕讓，令到不少打算買樓的人非常猶豫，即使遇上適合自己的單位，都要諗多一陣，或者與家人商量。按照「不是定理」所講，當一個買樓的人問其他人是否應該買樓，答案大多數是時局不明朗，利息會上升，唔應該買樓，或者話睇定啲才買。如此這般，當那個打算買樓的人下定決心去買的時候，那個單位早已被賣走，試過幾次之後，那個打算買樓的人在買樓之前不但唔會再徵詢其他人意見，而且即睇即買，無謂夜長夢多，寧願買咗樓才講畀其他人知道。至於點解可以唔睇樓買樓，這個問題我經常被人問，其實，我不是沒有睇樓，而是在未打算買樓之前已經睇了，如果價錢適合，唔睇樓買樓又有什麼出奇。

大家都知道大約有35萬人以BNO身分移居英國，正所謂容易去，容易回流，即使政府遮遮掩掩，亦不知不覺透露可能有17萬人回流，即是兩個人走，一個回流。離開的人有部分賣了樓才走，當他們回流時發覺了一件事，就是當日賣走的單位，今日可以用低價購回，甚至買到更佳的單位。既然已經非常了解那個單位，又平了10%至15%咁多，點解仲要睇樓，正所謂執輸行頭慘過敗家，如果要睇樓才買，隨時會執輸。所以，唔睇樓買樓是極之正常，不用大驚小怪。