2023/04/04
湯文亮
昨日早上去了茶餐廳，有客人叫我簽名支持分拆匯控（0005），我不但唔簽，仲反問點解要分拆匯控，分拆匯控好似將一個大單邊舖一分為二，變成一個小單邊舖及一個普通舖位，損失幾多很難預計。
一般投資者都會想盡辦法將一個小單邊舖以及幾個舖位變成一個大單邊舖，冇人會咁蠢反其道而行。
大約一年前，彭博已經問過我匯控是否應該分拆，我當時的答案與現在一樣，但理由不同，我對彭博講，我有不少內地老友，全部在匯控都有戶口，他們擔心匯控分拆，以後變成一間香港本土銀行，失去了與歐洲聯繫的作用，到時候他們被迫搵另一間銀行代替，一個唔好彩搵到一間被人低價收購的銀行就大件事。所以，他們唔會贊成分拆，我亦唔會。
雖然有聲音要求匯控分拆，但其實不是太多，只是不斷重複，又打人盯人戰術，令人覺得很多香港人要求分拆匯控。老闆立刻做一個實驗，馬上不記名投票，結果是在場20個客人，只有兩個贊成，兩個冇意見，其他都不贊成。雖然，或多或少都是因為我的解釋，但大多數客人亦有分析能力，我的解釋只是他們分析理據之一。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
