2023/02/13
湯文亮
星期六早上，有老友到公司吹水，佢話香港今次大鑊，很快所有在香港的外籍僱員及外資公司會走晒，無論香港政府點樣唱好都冇用，所以，我應該趁小陽春賣走晒所有豪宅和甲廈，冇外籍僱員的城市，樓價又點會值錢。
老友解釋，最近有一個關於全球最適宜外派僱員居住城市的調查，新加坡排第1，香港排第92，的確出乎意料之外，理論上新加坡排第1絕不出奇，其他調查亦有同樣結果，但香港不會排第92，而是大約排第7，今次相差咁遠，就算外籍僱員去唔到新加坡，點數都未輪到香港，香港仲唔死。
老友是小學同學，他的老竇是超級好人，但6年小學，未曾試過攞最佳父親獎，反而我阿媽攞過幾次。由於我父親一早過身，阿媽身兼父親，所以可以攞最佳父親獎。
老友解釋，最近有一個關於全球最適宜外派僱員居住城市的調查，新加坡排第1，香港排第92，的確出乎意料之外，理論上新加坡排第1絕不出奇，其他調查亦有同樣結果，但香港不會排第92，而是大約排第7，今次相差咁遠，就算外籍僱員去唔到新加坡，點數都未輪到香港，香港仲唔死。
老友是小學同學，他的老竇是超級好人，但6年小學，未曾試過攞最佳父親獎，反而我阿媽攞過幾次。由於我父親一早過身，阿媽身兼父親，所以可以攞最佳父親獎。
至於當中理由，同學及他的老竇至今仍然不知道，其實很簡單，就是我阿媽夠惡，除了在屋企惡之外，仲經常投訴學校，校長怕了她才給予一個最佳父親獎。
好好先生會被人當冇到
同學的老竇是好好先生，不但在屋企被子女「恰」，校長亦當佢冇到。當每一年寫文章表揚自己的父親，我一定讚到阿媽天花龍鳳，校長亦唔敢彈，最佳父親獎便唾手可得，但同學在文章中經常表達對父親不滿意，而校長亦不擔心會被投訴，所以，永遠攞唔到最佳父親獎。
調查機構問香港人，十個之中起碼有五個鬧到香港政府反肚，而剩下的五個是沒有意見，不會讚賞香港政府，而香港政府知道排第92，亦不敢對調查機構有壓力。
至於新加坡，我從來未聽過有新加坡市民彈政府，調查機構亦不敢講新加坡政府壞話，結果是新加坡第1，香港第92，很正常。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
