2018/08/14
馮煥倉
近期幫一間美容中心進行改建工程, 亦知客人想更換一批新器材及用品.
某天一個下午, 我到該單位內巡視業務進度時, 聽見客人同我的施工團隊
對話, 講呢批物件不要, 雖然無壞, 但想換走. 所以,叫師傅清場時請代為清走.
此刻泥頭車已到場及開始清場了. 同時, 被我發現有幾部美容儀器機,
仲有一批全新的毛巾,飾品….等等
而到場的清潔工人亦"毫不猶豫"地與其它垃圾一齊搬上車之際,
我即刻出手阻止, 心諗機又無壞, 搬運大佬因省時可能直接運到堆填區,
咪又多件大垃圾及實在太太太浪費了…
倒不如睇下有無人要或益下D公公,婆婆等佢地賣出去, 賺番D飯錢都好呀!
就當刻同搬運工人講先放在一邊, 由我來處理.
因知呢批物件會阻住D師傅開工, 當晚食完飯就飛車返去單位,
一個人把雜物搬去樓下睇下附近有無D公公, 婆婆需要, 可以俾佢地
當爛銅賣, 賺番D生活費都好呀!
搬運途中, 迎面走來2位美少女, 佢地望望呢2部美容儀器,
少女問 :「你唔要架!?」我答 :「係呀! 你地啱呀? 無壞架, 啱既就快D攞去喇 !」
少女回 : 「好呀! 我地正籌備開美容院, 但因資金有限, 真係好多謝你!」
就係咁見2位小妹妹開心到呢…… 因為仲有D新既浴袍及毛巾呀馬.
本應我可以俾師傅就咁清場搬走,不用"大費周章", 當時全部掉哂佢地咪最方便!
咁咪唔駛煩喇!
正正就係要寫呢個小事情的原因, 原來真係唔好怕麻煩,
出多少少力, 用多少少時間, 就會有意想不到的效果,
幫到有需要既人, 同時令堆填區減少左一D廢物,
亦為我地個地球出左小小力.
日後, 我唔會怕煩, 更加會積極咁樣做.
亦希望感染身邊的家人及朋友先不要怕煩,
踏出第一步後就有第二步, 第三步….
（文章內容純屬作家個人意見，並不代表本網頁立場）
贊助
