《富在鬧市無人問 窮在深山有遠親》

昨日早上去了茶餐廳，有一個客人話好激氣，佢以前住新界，地方偏遠，屋企又細，只得三四百呎，但不知幾多朋友不時探佢，並且讚他們一家人能屈能伸，一間咁細單位可以住4個人。客人話聽閒言閒語太多，於是發憤圖強，投資又有多少運氣，卒之可以買一間在港島區、超過2000方呎的大單位。不過，唔知點解，那些以前不辭勞苦去新界探佢的朋友好似失了蹤，不但冇再出現，就算擺入伙酒都唔係太多人到賀。以前有人曾經講過「貧居鬧市無人問，富在深山有遠親」，好似唔係幾啱。

弱國變強國 易招人厭

客人唔知道，這個世界最令人討厭的人就是發了達的窮親戚。當窮親戚未發達時，的確有很多人關心，窮親戚發達之後，關心變成討厭。古人講的都冇錯，但時代進步，貧居鬧市無人問，富在深山有遠親已經不合時空，現在應該是「富在鬧市無人問，窮在深山有遠親」。

人性就是如此，國家交往也是如此。中國未富強之前，不少歐美國家，甚至日韓都非常關心中國，但當中國富強之後，那些國家竟然將中國視為頭號敵人。這點我真的不明白，如果知道今日會將中國視為頭號敵人，那些國家當日就應該打殘中國，唔畀中國崛起。原來，除了發咗達的窮親戚令人討厭之外，弱國變得強大也會令其他國家討厭。

（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）

▸更多文章：投資心得文章 | 湯文亮 紀惠集團行政總裁