2022/12/30
湯文亮
在香港放寬抗疫入境隔離措施至「0+3」之後，老友已經安排好在新年後去北海道滑雪，但現在冇得去，因為由日本帶頭，美國跟隨，突然間對從中港澳入境者施以限制。
在日本方面，只開放東京、大阪及名古屋4個機場，但不包括北海道機場（按：日本政府其後宣布，容許香港航班使用新千歲、福岡及那霸3個機場，但不可載有7日內曾到中國內地的乘客）。如果由東京再轉機去北海道，實在太麻煩，既然日本唔歡迎，不如留港消費，而且一定唔食Omakase，對日本限制作無聲抗議。
中國清零躺平 皆惹批評
老友講就係咁講，我當然唔會相信，佢每個月最少食10餐日本餐，點可以一個月唔食。不過，從美國、日本等國家對中國內地、香港、澳門入境者施以有限度限制想起，那些國家一定害怕中國將新冠病毒傳染給他們，但我唔明白那些國家點解一直要求中國學他們採取躺平政策，同時嘲笑中國的清零政策是勞民傷財，甚至表態支持白紙運動，要求中央政府採取躺平政策，令中國人可以出外旅遊；中央政府從善如流，當一切就緒時，那些國家就對中國施以入境限制。老友話想唔通箇中道理，但我就知道，原因同難民從哪裏來一樣。
其實，這亦不是什麼新鮮事，一個國家本來好哋哋，國民生活得中規中矩，但歐美國家話不符合他們的政治制度，要求那些國家改革，無論改革是否成功，最後都會出現動亂，一塌糊塗，產生不少難民，到那時候歐美國家又禁止難民入境。老實說，歐美國家對那些難民是有責任，禁止入境似乎不太人道。好彩中港澳人士去那些國家是消費，唔去都冇所謂，如果去工作就大鑊了。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
