Your browser does not support JavaScript! In order to see this website, please enable JavaScript!
我們偵測到您的瀏覽器不支持JavaScript!為了可以使用本網站,請開啟JavaScript!
三月 29, 2024 星期五 短暫陽光 29° 64%

業主法律責任

 
     
2018/08/01 杜鳳儀
上回提到租霸, 有讀者電郵查詢業主保險係咪單單只保障租霸拖租及惡意破壞導致嘅家居財物損失呢?答案當然唔止,讀者問如果駛咗一仟幾佰買個業主保險又可以保到d乜嘢平安?筆者就逐一同大家剖析. 同樣係消費者嘅我, 一d細微細眼嘅損失,例如:因盜竊/企圖盜竊而引致門鎖/門匙損毀,個人覺得就算冇得賠都唔入肉, 最多咪當唔好彩, 自己啃咗佢, 其實喱樣嘢都包嘅,但想同大家講最大件事係如果有d事情發生可能會令自己陷入傾家盪產的話, 你都咪話唔驚!到底做業主點解有機會會搞到如斯田地呢?正正就係 ‘ 業主法律責任’. 市場上一般嘅業主保都包業主法律責任, 而且保額由港幣500萬至1000萬不等, 再多d 都得, 保費貴d囉, 羊毛出自羊身上嘛, 咁大嘅保額, 你應該諗緊理賠到嘅機會都唔荒大, 啱! 就係中嘅機會不大, 不過如果你真係中咗, 真係會暈低, 用一樽白花油都可能捽唔醒. 舉個例: 如果你單位個窗意外跌咗落街, 咁啱一個年青有為嘅專業人士被擊中, 佢死咗可能冇咁大件事, 最怕搞到唔生唔死, 你估佢屋企人會唔會放過你嗱?你自己都唔好過, 如果有留意法庭新聞, 因為疏忽導致到第三者傷亡/損失, 間唔中都有喱d案件發生, 案例由三兩百萬到過千萬嘅民事訴訟, 筆者都曾經見過。如果咁唔好彩係你, 你諗住用積蓄, 還是賣咗d資產去埋單呢?值得留意嘅係, 如果你嘅窗花已經需要更換或者已經收到屋宇署嘅夠鐘更換通知, 而你懶得理佢的話, 咁就唔好意思, 你亦大可慳番d保費,上述嘅保障係幫唔到你嘅。原因係業主有責任定期維修/更換的, 確保安全. 篇幅有限, 業主保險仲有好多個案可以跟大家分享. 記得繼續關注我嘅專欄, 我哋下回再分解.
(文章內容純屬作家個人意見,並不代表本網頁立場)
贊助