那夜我坐上牌價跌了一半的紅Van

在剛過去周日晚上，西洋菜南街行人專用區「殺街」在即，我見沒有特別事情，便走去湊熱鬧，聽完一位資深街友唱《友誼之光》，西洋菜南街正式宣布沒有行人專用區之後，收到一個短訊，有一班老同學在大埔打邊爐，其中一個帶了一條8斤重馬友，叫我立刻去。老實說，與老同學聚會，就是最開心的時光，我連走去搵的士都嫌慢，一跳便跳上了一架紅Van，我有小小奇怪，點解仲有位，司機在兩分鐘之後開車，20分鐘已經去到大埔，我經過了一段畢生難忘旅程，慶幸仍然生存，落車時司機講了一句對不起，佢話唔快唔得，因為唔夠皮。 旺角到大埔20分鐘 慶幸仍生存 我到了酒樓，有同學問我點解可以咁快來到，究竟坐什麼車，我話坐紅Van，講完之後笑到所有同學碌地，他們話我真大膽，在這種情况下夠膽坐紅Van，我不明白，究竟是什麼情况。原來紅Van牌價跌了一半，由七百幾萬跌至三百幾萬，很多車主都變成負資產者，他們迫於無奈要做亡命之徒，希望可以走多幾轉，我聽完之後才識驚，但點解紅Van的牌價可以下跌一半，不是會有大車主頂住嗎？牌價下跌，大車主是最大受害者，除非是小車主不斷賣牌套現，又沒有新的買家，最後連大車主也頂不住，才造成牌價下跌一半。據聞有很多車主已經不再供款，任由銀主拖車，我估計稍後將會有紅Van牌銀主盤出現，牌價或者會進一步下跌。 警惕置業者﹕升得高跌得深 這件事令我迷惑，香港經濟環境不差，差不多全民就業，點解紅Van牌價可以突然下跌一半？唯一的解釋是牌價升得太高，經營收入不夠開支，車主唯有放棄紅Van牌，太多車主放棄，牌價自然會下跌。不過，跌一半似乎太過分，今日即使樓價經已超出一般市民的負擔能力，但一般專家話樓價仍然有上升空間，我認為他們沒有說錯；又不過，樓價升得愈高，下跌的時候就會跌得愈深，紅Van牌價下跌，希望可以提醒現在買樓的人，最緊要是量力而為。