2022/12/15
湯文亮
有年輕朋友打算買樓，出價與業主的要價有一段小距離，佢睇到報紙話有買家用誠意打動業主賣樓，於是問代理怎樣做才是最有誠意，是不是去業主屋企門口等回覆，只要業主首肯便立刻簽約？代理話唔係，最大誠意就是畀到業主要價。唔能夠話代理錯，但傳媒話買家用誠意打動業主減價，畀足價錢就唔算用誠意打動業主。
我對年輕朋友講，最大的誠意就是帶埋大肚老婆同業主講價，我有過類似經驗，多年前我賣一個單位，買家的還價與我的要價有一段小距離，在代理安排下，大家見面作最後商討，我亦打算接受買家還價，但要搵一個下台階。當時我見到買家帶埋大肚老婆一齊嚟，於是對買家講，我唔會減價，不過會封一封利市畀未出世的小朋友，銀碼就是雙方價格的差距，對方非常開心，我亦開心。
年輕朋友話，這只是我多年前的經驗，現在是否仍管用？百分之百管用，台灣剛剛完成九合一選舉，民進黨大敗，國民黨奪回台北市，代表國民黨出戰的是蔣萬安，蔣介石家族第四代，雖然蔣萬安有上三代庇蔭，但不及第五代，即是他未出世的子女，蔣萬安帶埋大肚老婆競選，贏了不少游離票，最後大勝對手，連國民黨元老都覺得奇怪。所以，千祈唔好嫌大肚老婆阻住晒，很多時反敗為勝或者達成協議都是因為老婆大肚。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
