《賣了自住單位的人 是最好租客》

有老友話我就算講對，都只是一個租客，但如果買樓收租，什麼人才是一個好租客？我話不用擔心，物業代理會代勞，近日物業代理總動員唱淡樓市，除了今年下跌15%之外，明年亦會下跌15%，如果唔賣樓，做了高成數按揭的業主恐怕會變成負資產者，所以，那些業主不得不賣樓，亦有部分業主睇淡樓市，認為香港很難復蘇，現在賣樓等樓價下跌三四成之後再回購。那些賣了樓的人應該是最好租客，如果見到那些租客，千祈唔好放過。

售後租回 新舊業主都有得着

老友話唔係幾明白，那些人點解會係好租客，他們一樣會欠租。老實說，欠租的機率一定會有，但風險不高，因為那些人在賣樓之後有一大筆現金，按正常情况，有錢的人又點會欠租，四五年之後就唔敢講，老友話明白，不過很難搵到一個剛剛賣了樓的租客。其實，兩者可以同步進行，買了樓之後租回給原業主；事實上，不少打算賣樓的業主擔心在賣樓之後要搵樓租，很麻煩，如果可以售後租回，不少業主可能會賣樓。