2022/11/30
湯文亮
今次世界盃第一輪賽事，出現不少冷門賽果。當中以沙特阿拉伯及日本同樣以2比1分別擊敗阿根廷及德國最受注目，日本在擊敗德國之後，球員心情大靚，在離開更衣室的時候竟然收拾得乾乾淨淨，並且摺了幾隻紙鶴給工作人員，FIFA點名大讚，有不少人問我對此事睇法。我話虛偽，基本上有工作人員會清潔更衣室，毋須勞煩日本球員；FIFA點名稱讚，教其他31支參賽國家隊情何以堪。
老實說，贏了波收拾更衣室並不出奇，就好似一個人打麻將，贏了大錢之後講嘢都會細細聲，又唔該前唔該後，但唔通可以話那個人好牌品？除非那個人輸到開巷，仲陰聲細氣，沒有發火，才可以講好牌品。如果日本隊輸了波之後仍然收拾更衣室，大家才讚都未遲。
日本隊贏了德國之後，以為坐定粒六，仲對全世界講，8強並不是日本目標，世界盃才是，第二場對「魚腩」哥斯達黎加，只要贏波，一定可以晉身16強，但波是圓的，日本竟然輸波，晉級的機會變得渺茫。
我睇了很多報道，始終搵唔到有傳媒講日本隊輸波後有沒有收拾更衣室。老實說，我不會話日本人做作，這是人之常情，我反而覺得傳媒誇大日本清潔更衣室這段新聞。事實上，大家去旅行住酒店都不會在離開之前清潔房間，去朋友家裏住當然不同，即使朋友有家務助理都要收拾乾淨，這是家教，日本隊執拾更衣室究竟有什麼新聞價值？
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
