2022/11/03
湯文亮
有外國朋友被邀請出席今次在香港舉辦的金融峰會，在來港之前問我可不可以為他安排傳媒替他做訪問，我認為他未夠資格，傳媒不會有興趣，但我當然唔會咁講，無謂令佢傷心；我唯有話沒有這個能力，况且大會應該有安排。我的確沒有講假話，實在是沒有這個能力。
外國朋友話點樣做可以吸引傳媒注意，我話香港傳媒很奇怪，對於香港的事喜歡報憂不報喜。
今次峰會，我睇唔到有傳媒報道究竟有幾多重要嘉賓出席，但我知道有5家大行CEO「甩底」，所以，要吸引傳媒注意，就大大聲同香港傳媒講將會「甩底」，唔嚟金融峰會，保證一定會有很多傳媒報道。
「尼格」成不速之客
外國朋友非常同意，但佢唔敢做，佢話參加這些峰會都是畀面派對，唔嚟冇問題，不過，千祈唔好大大聲講，不但得罪香港，更可能得罪中國，話唔定做少很多生意。他是生意人，出唔出風頭冇所謂，但千祈唔好打爛自己飯碗，我只能話，識時務者為俊傑。
今次真的是人算不如天算，金融峰會最出風頭的竟然是一位叫「尼格」的不速之客，他已經59歲，準備登陸，但仲可以令香港掛8號風球，差少少搞亂金融峰會派對，不過好彩尼格很弱，對香港影響不大，反而令參加峰會的嘉賓有風雨同路見真心的感覺。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
