《千祈唔好叫人賣樓 自己買樓》

有老友話咁多年來，佢只聽到我話時勢不佳，如果買樓就要小心一些，除了量力而為之外，一定要揀一些優質單位，鋤價反而是其次，但從未聽過我叫人賣樓。老友不明白，我是一個物業投資者，無論樓市幾咁差，我都有機會買樓，如果被人知道一定會被質疑，點解我自己買樓而叫其他人賣樓；如果我話我輸得起，他們輸唔起，我相信結果會好似我的長輩一樣，冇晒朋友。

大行估跌三成 業主欠定力會賣走優質物業

現在唱淡樓市的消息鋪天蓋地，甚至有玄學家都不理會泄漏天機，冒着天譴叫人賣樓，當我覺得玄學家很偉大的時候，有老友話玄學家根本沒有泄漏天機，怕什麼天譴，原來玄學家亦有買樓，老實說，如果唔係知道樓市向好，又點會現在買樓，所以，他/她沒有泄漏天機。

至於大行話兩年內樓價跌三成，大行當然有理據，但我的經驗就是當有大行發出類似預測，該大行或者同行就會向業主開價買他們的優質物業，而且價錢不低，甚至高於市價，很多業主不能抗拒大行誘惑而將手上優質物業賣走，話晒都有兩三成溢價。老實說，現在做業主真慘，被所有人打到頭崩額裂，少啲定力都會將手上優質物業賣走。