加息對所有投資都有影響： 樓市、股市、舖市、黃金、Bitcoin、車位、骨灰龕位、乜都影響！但相對地，舖 vs 樓的影大有不同，我只買街舖因為：
7. 樓易比較，街舖間間獨特，難比較貴平！
6. 樓要來住人，舖要來做生意，帶口罩不影響樓價，但帶口罩大大影響舖人流！
5. 通關/防疫措施鬆綁對舖市更有利。舖市遊客重要過移民！移民可能有70萬，但遊客疫前是7千萬！
4. 移民潮影響樓市、遊客潮影響舖市。移民的人中產多，揸舖唔多！
3. 樓有新供應，街舖無近乎無供應。啟德／東涌／新界北區都會都無。入市時，買樓易掃貨 （睇呎價），但買舖要搵啱！較難買，反價快！
2. 金管局對舖市緊過對樓市！樓有九成按揭，舖大部分只能借三四成。2009年我開始買舖，當時借7成！金管局壓力測試，剛已由加3厘至加2厘。仲有機會放寬。
1. 舖市有個傻佬叫李根興，日吹夜吹！樓市大舖市10倍！香港財富日日纍積，始終會放入物業，問題只是放在邊度？！
十分一樓市資金轉向舖市，舖市馬上大一倍！
賣花贊花香！ 點解我只買街舖😃！
李根興 Edwin (盛滙商舖基金創辦人)
（文章內容純屬作家個人意見，並不代表本網頁立場）
贊助
