2022/09/08
湯文亮
有同事對我說，有租客對續租的條件不滿意，認為租金升幅應該由他決定，而不是由我們決定。我話咁奇怪，從來最後租金的決定都是在甲方，而什麼是甲方，例如業主、銀行，或者俄羅斯。同事話今次租客要求升幅由他決定亦與俄羅斯有關，因為G7要求俄羅斯生產的天然氣及石油價格由他們決定，所以，續租的租金亦應該由他決定。
俄羅斯不會接受油價封頂
如俄羅斯接受，以後就要醒醒定定，最好立刻從烏克蘭撤軍兼賠償，否則G7在買天然氣時就會要求俄羅斯將價格封頂。不過，俄羅斯有冇就範？當然冇，價錢唔啱，俄羅斯連北溪一號都關了，油價點輪到G7做決定？所以，同樣情况，如果續租時由租客決定封頂，不但冇得加租，甚至要減租，價錢可以唔啱傾到啱，但封頂租金一定由我們決定。
大家可能唔信，G7的要求可能不是針對俄羅斯，無論G7的領導人幾咁蠢，都冇理由唔知道封頂的主動權在俄羅斯，G7的目標可能不是俄羅斯，因為在G7集團裏，美國亦生產天然氣石油，而且亦是G7及歐盟的最大供應商，俄羅斯唔可以，但美國可以將油價封頂，理論上美國冇可能唔答應，因為G7，包括美國，亦要求俄羅斯封頂。同樣情况，如果我們有租其他地方，亦要求業主封頂由我們決定，當租客要求封頂，我們很難推卻。現在G7做法叫「項莊舞劍，意在項羽」，同事話乜唔係沛公咩？因為劉邦即是俄羅斯唔係自己人，項羽即是美國是自己人。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
