做食，我成日話，成本分析大致就係4，3，2，1。 營業額的4成是食材成本，3成是人工，兩成是租金，1成就當然是利潤。錢都要賺！
做飲食，租金佔營業額兩成，就大致會有錢賺。 即係話如果你租金係六萬蚊，營業額每月就要做30萬，每日做一萬蚊就夠啦。 當你間餐廳有40個位， 人均消費50蚊， 每日做五轉 (早餐/午餐/下午茶/晚餐/宵夜)就夠啦。
但你唔會咁做， 時間太長，人工太貴。 你會主力打爆個午餐，晚餐，各做兩轉， 下午茶當一轉， 咁就已經五轉，送埋外賣，多一兩轉就賺更多啦。
外賣店， 舖頭可以細間啲，但人流要旺啲。因為人手少啲，租金可以佔營業額三成至三成半。
大型食肆，酒樓，高級餐廳，人工貴，食材貴， 一闊三大，租金最好只佔營業額一成至一成半以下，先叫有賺錢。。 例如近年大家樂佔約12％，太興/翠華等則佔約14/15%左右。
賣肉多，例如漢堡包， 餐牌種類闊，自助餐，放題等，食材成本最貴，有時甚至乎高至5成，咁租金就要少過兩成
賣菜多，米線/拉麵等，餐牌簡單啲，得嗰十樣八樣揀，食材成本較平，租金可佔多至三成半。
專攻飲品， 珍珠奶茶，涼茶，咖啡等， 係人都知飲嘢最賺錢，慳返廚房師傅，租金佔營業額去到4成都得。
一般來說，飲食業，租金佔營業額四成最盡了。 仲要俾食材，人工， 同燈油火蠟開支， 老闆叫做緊緊賺到份人工。
我點知？ 因為我2001年起創業，成立商舖基金前，我以前買賣過千宗小生意，當中4成係食肆，因此乜嘢食肆真真假假／堅堅流流嘅數都睇晒。旺記仲勁，30年前就已經係銅鑼灣鵝頸橋起家，最近搬左嚟灣仔巴路士街14號呢道，成為我哋租客。咁佢呢3碟餸招牌菜 （墨魚餅 $118，鹵水鵝 $128，辣酒煮花螺$138）對做生意有乜啟示？ 邊碟會令佢賺錢最多？邊碟成本最重呢？
聽到我口水都流埋，大家有機會落來試試，我遲些再同你分享解讀更多！
www.edwinlee.com.hk
聯絡李根興 Edwin (+852) 90361143
▸更多文章：舖位投資心得 | 李根興先生 (盛滙商鋪基金管理有限公司行政總裁)
