2018/07/18
杜鳳儀
現今嘅香港人生活繁忙，好多家庭往往需要請萬能姐姐打理家頭細務，特別有老有嫩，做得老細，無論你請外籍姐姐或阿姨，本地全職、兼職家務助理甚至陪月，都需要履行法律上嘅責任，咩責任？咪強制性嘅勞工保險或者叫做包裝得靚靚嘅僱傭保險囉！
平時聽得最多嘅恐佈情節應該係虐兒/虐待老人家案吧！試想一下，家中嘅小公主、小王子，他/她的出生比你更重要，年邁嘅父母，含辛茹苦養大你，遇著變態姐姐襯你返咗工，諗起間唔中你鬧佢兩句，咪揾你個人質嚟發洩下，用尿當奶餵、煲湯吐口水、打下佢、甚至乎性侵犯等，無所不用其極，真係買兩打保嬰丹都定唔到驚。
仲有，你又知唔知你屋企嘅萬能姐姐周日放假去邊度玩多呢？會唔會變身去搵外快交男友？萬一搞大個肚返嚟，白養唔炒得佢不突止，仲要即刻揾個新姐姐返嚟幫手，奈佢唔何又額外唔見一筆，肉都赤埋兼無陰公，特別係外籍嘅萬能姐姐，生養死葬你唔係唔知吖？
以上嘅情節，唔好以為拍戲先有，現實中已經發生過响我週邊嘅朋友、家人身上。
筆者留意到最近市面上已經有僱傭保險可以保障到上述兩個情況，如果你屋企請咗萬能姐姐而又擔心會成為受害者，不妨留下聯絡資料，我會將詳細內容電郵給你參考。
peggyto9319@gmail.com
（文章內容純屬作家個人意見，並不代表本網頁立場）
贊助
