Your browser does not support JavaScript! In order to see this website, please enable JavaScript!
我們偵測到您的瀏覽器不支持JavaScript!為了可以使用本網站,請開啟JavaScript!
七月 16, 2024 星期二 雨 短暫陽光 有驟雨 28° 91% 雷暴警告 黃色暴雨警告信號

《做生意七步曲》

 
     
2022/08/02 李根興
《做生意七步曲》結婚唔難,但一生一世難!

做生意就好似娶老婆咁,結婚唔難,同佢一生一世先難。之前同你講過「做生意七步曲」!

第一,首先要知道自己目標係乜?
二,你嘅價值主張同人哋有乜唔同? 
三,你競爭甜點在那裏? 
四,你成條價值鏈 Value Chain 同競爭對手有乜獨特之處? 
五,Trade offs 取捨。你有乜可做少啲,做好啲?
六,Fit! 你公司及你自己所有活動是否 fit? 整合。
七, Continuity 持續性、持續性! 不能一時一樣! 

今集同你講埋六七: 

6,Fit! 你自己嘅生活、你嘅嗜好,你公司嘅架構、獎罰制度、產品服務,每日嘅 activities 是否 fit 你的目標,fit 你對人客嘅價值主張? 除咗睇舖、做運動及陪屋企人,我成日話我無乜嗜好,因為嗜好多會花好多時間。因為我相信做生意,唔係 work-life-balance, 而係要 work-life-combined! 雖然我可能好鍾意瞓喺沙灘曬太陽,揸船揸飛機,但沙灘/海/天空上面無舖賣。下一個選擇我只能夠揸車。容許我 show off 下,我好鍾意揸開篷車,Don't take me wrong,全部都係二手車,唔太貴!聽歌吹風去睇舖的感覺好爽,能夠車老婆,車阿媽,車外母,邊傾計邊享受邊錢賺當然更爽。If you can't do what you love, love what you do,唯有視工作於娛樂,咁先能 work-life-combined, Fit 買1000間舖的目標!

包括依家錄緊呢條片、星期六早餐會、行街睇舖團、出書/拍片講舖講生意、每日運動、均衡飲食、保持健康咁就可以行快兩步睇多兩間舖,都係 fit 我哋公司商舖專家嘅形象。我好明白長遠要達至目標,買香港1000間街舖,我自己嘅生活/嗜好/健康體魄都要配合。

在公司層面,呢個就係我哋盛滙嘅 Activity Map。由「服務式商舖」、「三大保證」買舖計劃、至「入三出一」買舖步伐、 至基金每季集資、及每年嘅派息及目標回報政策, 目的都係希望為咗我哋嘅基金客戶買舖唔駛煩、分散風險、同埋提高回報。基金長遠目標買入香港1000間街舖。 我每日發夢都諗住我哋嘅 Activity Map。 只要係Map上面見到,盡做! 見唔到嘅,唔做! Very simple, 言行一致,then we are F.I.T: Fit! 

當你係旺記打冷個老闆,如果你目標係要賣100萬隻招牌雞,你突然間又推出啲鐵板牛扒餐,製作過程又耐,啲人客食完牛扒又唔食雞,咁會唔會唔 fit 你的目標呢? 當然,還原基本步,第一,你先要搞清楚自己目標係乜,目標可以改,但最忌無目標。有目標,就自己及成間公司每日返工放工時間都盡量要 Fit, F.I.T. Fit. 

(1)有目標、(2)知道自己價值主張係乜、(3)搵到競爭甜點、 (4)有條獨特嘅價值鏈、(5)懂得取捨、(6)所有嘢 Fit, 最後,亦都係最難嘅,就係 (7)Continuity 持續性、持續性,不能一時一樣,遇到風風雨雨,社運肺炎,都要堅持,唔代表一成不變,隨住時勢改變,你都要繼續創新應變,核心價值主張是一樣的。但不能今日見你就話買舖好,一年後見你就忙緊英國樓,再一年後見你就話 Bitcoin 好玩啲,再過兩年又攪緊劏房,咁我真係好難信你! 

好似娶老婆咁。結婚前都要拍下拖,拍拖都難免會分手,換過另一個。換多幾次都希望你 settle down 揀啱個。但最難嘅唔係結婚,而係點樣同你老婆白頭到老,持續性持續性地對佢好。因為永遠外面嘅野花可能會更吸引,你又能抵擋得住嗎? 路邊野花不要採,亦都係每個生意人,第七,Continuity 持續性、持續性最大的挑戰。

有咗持續性 Continuity 有三大好處:

(1)人客對你信任度提升,做得幾十年衰極有個譜。品牌口碑才會建立。
(2)員工更熟能生巧,對公司信任度高,工作效率自然事半功倍。
(3)供應商、合作夥伴、分銷網絡,唔係一朝一夕能夠建立,有了持續性,佢哋就成交為你的「防護罩」barrier of entry,競爭對手入來抄,都要以年計,甚至乎十年計,才能抄到。

正如我後面呢間旺記打冷在灣仔做咗幾十年,熟客自然多,師傅都跟左廿幾年,自然上手,我同旺記老闆施生傾過,佢哋好多熟客零零舍舍就係鐘意佢地啲鹵水汁,去第二度就搵唔返同一味道,硬係差啲,好多熟客都係由細細個,食到成人,結埋婚,生埋仔女,都繼續一家大細返嚟幫襯,呢樣持續性,競爭對手要搶同一班客都真係好難爭。

點解我成日提住目標買香港1000間街舖?因為我都係人,2009年買入第一間,至今買了117間,持續咗13年。我日提夜提都係想提高我自己嘅持續性 Continuity,每年買30間,買多30年就上岸。提得多,自然更易言行一致!唔提唔講,就好容易行歪路。

最後記住,做生意你可以 Me Too「人做你做」,Me better「你做得叻過人」,或者 NOT Me Best, but Me Only … 唔係要你做到最好,而係你要做到最獨特。

因為前兩者,都係一個零和遊戲。 你贏,就人哋輸。 人哋贏,就你輸。 個餅無大到。但 ME ONLY. Be unique! 有獨特性的話,唔同人客有唔同需要,你嘅產品獨特、啱他們的話,他們自然有需求。你要「創造需要」! 做大個餅,闖出你獨特的一片新藍海。

做生意七步曲!記住 (1)定立目標、(2)獨特的價值主張、(3)善用競爭甜點、(4)度身訂做的企業價值鏈、(5)懂得取捨、(6)Fit 自己/公司所有活動都 fit、(7)Continuity 持續性、持續性,不能一時一樣! 

其實拍這條片不是給你,是給我自己,分分秒秒提醒自己唔好行歪路。持續性、持續性! 希望我同你都連過七關,「做生意七步曲」一步步邁向你我目標。