Your browser does not support JavaScript! In order to see this website, please enable JavaScript!
我們偵測到您的瀏覽器不支持JavaScript!為了可以使用本網站,請開啟JavaScript!
六月 22, 2024 星期六 間有陽光 33° 66% 酷熱天氣警告

《做生意七步曲》

 
     
2022/07/26 李根興
哈佛教授 Micharl Porter 話: "The real point of competition is not to beat rivals. It's to earn profits." 競爭,最重要唔係打低競爭對手,而係要賺錢! 點賺錢?

做生意七步曲!

第一,首先要知道自己目標係乜?
二,你嘅價值主張同人哋有乜唔同? 
三,你競爭甜點在那裏? 
四,你成條價值鏈 Value Chain 同競爭對手有乜獨特之處? 
五,Trade offs 取捨。你有乜可做少啲,做好啲?
六,Fit! 你公司及你自己所有活動是否 fit? 整合。
七, Continuity 持續性、持續性! 不能一時一樣! 

前兩集同你講咗第一二三,今集同你講四五,又以旺記打冷做下例子: 

何謂 Value Chain 價值鏈? 由產品的設計、入貨、生產、銷售、送遞、到售後服務,這個流程就叫做企業價值鏈 Value Chain,成條鏈的目的都是想為顧客增值,帶出之前所講的 value propositions 價值主張,帶出的過程當然亦會產生人工、租金、入貨、加工成本。Value Chain 包括 Primary Activities 主要活動 and Supporting Activities 輔助活動。入貨、加工、出貨就係你服務顧客啲主要活動。 公司嘅架構、人力資源、科技應用就係輔助活動。

如果你成條價值點嘅活動同競爭對手一模一樣,你只能夠鬥平鬥靚鬥快。咁就好似隻老鼠圈入面跑咁,做人好攰,你跑慢啲,人地就追上。你要更快到目的地,就要搵方法跑出個圈。

我成日話做生意有三個 S: Survive (生存), Sustain (持續), and Succeed (成功). I mean really successful. 

先講 survive (生存),即係收入多過支出,再講 sustain (持續) - 即係持續地收入多過支出,賺到錢,希望最終達致 Success (成功),I mean 一支箭咁標上黎,全香港人/甚至乎全世界人都認識你。要做到第三個S, Succeed,你的企業價值鏈 value chain 必須要同你的競爭對手有所不同,人客接受嘅,你就可能跑出個圈快啲到目的地。點跑? 咁就提到第五,trade offs 取捨。

未講 trade off 前記住,there is nothing wrong with 第二個 S (Sustain),佢養活了99%中小企,做幾十年,仔女去外國讀書, 住洋樓養番狗都係靠佢。等於好多投資者係地產工商舖賺錢,係香港養活了好多個家庭,但如果叫你數出出名果幾個? 可能你一兩隻手已經數晒,其中一個可能係有個傻佬李根興。咁點解係香港靠地產投資咁多人搵到食,你能夠數出「有朵」嘅只係得幾個? 值得細心思考!

何謂 trade-offs 取捨? 有時,你要取得更多,必需要捨棄更多。

做生意,唔係多啲,就好啲。 多啲產品、 多啲服務、多啲客戶, 唔代表你就係好啲。 因為你營業額可能多咗三成, 但利潤反而可能無咗一半。 咁我就情願營業額細啲,利潤多一倍好過。 記住哈佛教授 Michael Porter 講過: 

"Competition is not about being the BEST, not about MARKET SHARE. Competition is about being UNIQUE, about earning PROFITS" 

競爭唔係要做到最好,或最大嘅市佔率。競爭係要做到最獨特,同埋賺到錢。我專注買舖,be more specific, 我專買街舖,但樓上舖、商場舖、地庫舖、住宅/工廈/商廈/農地/車位/骨灰龕位,我全部都唔睇唔買。我越專,反而在市場越獨特。最緊要個餅夠大,香港有十萬間街舖,買十世都買唔晒。我這一世只想買1000間。我公司連埋我依然只得15個人 full time,貴精不貴多,最多每年增長一兩個人頭。社運肺炎後,15個人都已經買賣超過港幣15億街舖,即每人一億!如果我乜都買,乜都投,遇上逆市就根本前進唔到,馬上冚旗。因為買賣鋪,唔單止買賣咁簡單,我哋成條價值鏈 value chain 由集資,入貨,增值,搵租客,幫租客做生意,到出貨,售後服務,經紀網絡,業主立案法團打關係,至我自己日日拍片,出書,行街睇舖團等等等等,有好多好多嘢要創新及跟進。我哋成條價值鏈 value chain 同普通一個就咁買賣3000萬舖嘅投資者大有分別。分別越大,我就知啱啦! 我哋越大機會掂到第三個 S (Succeed)! 

好似我後面呢間灣仔巴路士街14呎旺記潮州打冷都係一樣,如果佢乜嘢餐種都做,就冇樣嘢做得叻,成本亦會好重。假設佢目標係想賣100萬隻招牌雞,可能佢成條價值鏈都要改一改,作出更多取捨,先至能夠更快達到目標。但佢自己目標係乜,咁就佢諗佢啦!開一兩間做幾十年,做到第二個 S (Sustain 持續),無問題。但要開到幾十/一百間,全香港人諗起潮州雞就諗起佢,變成潮州雞嘅 KFC? 快啲賣到一百萬隻一千萬隻一億隻招牌雞? 做到第三個 S (Super Successfull)超級成功?  咁就好需要有更獨特的企業價值鏈 value chain 及同競爭對手不同的取捨 trade-offs。

你呢?你成條價值鏈 Value Chain 由入貨、加工、出貨同競爭對手有無獨特之處? 
你嘅 Trade-offs 取捨同人哋又有乜唔同呢?