做生意七步曲！
第一，首先要知道自己目標係乜?
二，你嘅價值主張同人哋有乜唔同？
三，你競爭甜點在那裏？
四，你成條價值鏈 Value Chain，由入貨、加工、出貨、同競爭對手有乜獨特之處？
五，Trade offs 取捨。你有乜可做少啲，做好啲？
六，Fit！ 你公司及你自己所有活動是否 fit? 整合。
七， Continuity 持續性、持續性！ 不能一時一樣!
上集同你講咗第一，首先要知道自己目標係乜，what are your goals? 目標可以改，但最忌無目標。今集同你講第二／三：
二，你嘅價值主張同人哋有乜唔同？ What's your value proposition, any different? AND
三，你競爭甜點在那裏？ Where is your competitive sweet spot? 每日24小時的「力」應該放係邊度？
何謂價值主張 Value Proposition？ 咁你就要問自己：
（1） 你究竟係 serve 緊邊班客？What customers?
（2） 你滿足緊佢哋什麼需求？What needs?
（3） 滿足後，你收緊什麼價錢及如何收費？ What relative price?
就當我後面呢間，灣仔巴路士街14號旺記打冷咁，佢可能係以大眾化價格 serve 緊班夜晚想搵個寬敞地方，方便泊車見下朋友，吹下水又有好潮州嘢食聚腳點的本區熟客。
（1）乜嘢客？ 本區熟客，我估通常都三四十歲以上
（2）乜嘢 needs? 搵地方吹水食靚潮州嘢
（3）乜嘢價？ 大眾化價值，按次收費！
多唔多人可以講到以上三個特點？ 一半半啦！ 越多人能夠講出以上同一番說話，代表你受競爭的壓力就越大，咁你就只有兩種方法能夠做多啲生意，一就係收平啲，二就係做靚啲。
越少人能夠講出以上同一番說話，就代表你就越係做緊獨市生意。咁係硬係能夠收貴啲，做渣啲都有人幫襯啦。I'm sure 你試過夜晚想搵嘢食，搵唔倒，格硬來貴啲渣啲你都要買來食。
我唔喺叫你地點獨特或者營業時間延長咁簡單，因為嗰啲好容易炒，旁邊好容易開多檔或開夜啲，我講緊嘅係成個營運模式要同人哋有所不同。做到人客、滿足的需求、收費模式都唔同，咁就係真正的獨市。
點做，咁就講到第三，你競爭甜點在那裏？ Where is your competitive sweet spot?
根據哈佛教授Professor David Yoffie 教我，做生意有三個圈，
1. Customer needs（客戶需求在哪？）
2. Competitors offering（競爭對手為客戶提供些什麼？）
3. Company capabilities（在公司的能力範圍內，能給予客戶什麼？）
A，就係人客有需求，競爭對手做，你又識做。
B，就係人客有需求，競爭對手又做，但你唔識做。
C，就係競爭對手有做，你又識做，但人客無需求。
D，就係人客有需求，競爭唔做，但你又識做。
咁我我來考你： 根據圖中ABCD， 你覺得每日24小時精方應該將放在哪裏？
大部分公司都是係A，人做你做、人爭你爭，大家為左爭同一個餅，就花晒所時鬥平鬥靚。這個是個紅海，互相廝殺，血染大海。
根據哈佛教授 Professor David Yoffie 正確答案：D。既有市場需求、競爭對手不幹、自己有能力做好， 這個區域是叫Competitive Sweet Spot（競爭甜點）。你應該盡量把所有資源放在這一點，提供獨特的服務，盡量做到獨市，創出你的藍海。
唔好講人，講我自己。買賣商舖係個紅海，大家都係鬥平鬥靚。如果升市，賺大錢，個個都係樓神舖神。但跌市，遇上社運肺炎12345波，大部分炒家／投資者都冚晒旗。 舖市一樣有三個圈：
1. Customer needs 永遠有人想租舖買舖，今日唔買，都想學吓以後點買！
2. Competitors offering 其他業主點放盤，點招租？ 登報紙？搵 agent，醒啲嘅就去 smartME!
3. Company capabilities 我李根興、我公司盛滙能力範圍內做到乜？
我自己都係把所有資源放係D，即係：
(1) 創立香港首隻商舖基金
(2) 日日拍片、網誌、講座、出書、「行街睇舖團」講舖講生意
(3) 扮鬼扮馬同租客一拍住上宣傳
(4)「買舖要買得 PRO」方程式、「服務式商舖」招租、「保租金、保租客、保租值: 三大保證買舖計劃」等等等
我相信以上絕大部份揸住幾千萬以上舖嘅業主都無做，但想買舖租舖嘅客人有無需？ 有，肯定有！ 是否在我能力範圍內？ Sure!
因此我24小時的力都放在D，this is my competitive sweet spot 競爭甜點！ 做到，自然有獨特的價值主張 Value Proposition! 以我商舖基金為例：
（1）乜嘢客？ 想買舖中長線揸，但唔想煩的投資者。
（2）乜嘢 needs? 提高回報、分散風險、易入易出。
（3）乜嘢價？ 每季集資、最低投資金額港幣300萬，賺錢就收管理費/表現費，蝕本就一蚊都唔收！
好明顯，以上同就咁買間3000萬舖的買家嘅 value proposition 價值主張係好唔同。大家都係舖，但我係「買舖 for those do not enjoy 買舖」！ 這個就是我的藍海！ 亦都解釋左點解即使社運肺炎12345波，我哋當時雖然「生不逢時」的旗艦商舖基金，2019年8月由零開始，3年唔夠增長至超過港幣10億。我唔係得個講字，我是行動派！
你呢？ 唔好下下諗到咁複雜，唔一定革命性咁改！ 改少少，可以已經差好遠，例如，如果我做旺記打冷，可唔可以：
What customer? 可否試下每日晚上6至8點鐘，加多啲Q版玩具櫈，吸引多啲年輕夫婦帶埋小朋友來食？臨走嘅時候，有份神秘嘅打冷禮物送俾個細路仔？禮物成本有限，但小朋友一般早食飯，咁會唔會令到旺記晚市做多一兩轉。
What needs? 可否試下每個星期推出不同潮州打冷「半熟福袋」，二人四人八人十二人套餐，放埋張紙條教佢地點樣攞返屋企加熱至全熟，即使唔想落街吹水，會唔會多左家庭客攞外賣返屋企食？
What price? 可唔可以試下提供些少優惠，賣潮州鹵味套票，先收未來錢？ 老實說，好多客都好似我老婆我阿媽咁，俾了錢都唔記得自己買了！ 或者試下推出會員月費計劃，每個月自動信用咭過數，咁班會員就可以優先以優惠價食到最靚啲潮州食材、唔使訂位都優先入座？ 咁就唔怕風吹兩打，風風雨雨，好過日日睇天氣「餐搵餐食餐餐清」？
Whatever it is! 可能你覺得我好白痴，唔需要樣樣做，只要一樣做好，殺出條血路已經足夠，目的都只係希望同競爭對手唔同，different value propositions，咁啲客人就唔會咁「貨比貨、價比價」，在成本唔大幅提升的大前題下增加收入。
你呢？你的價值主張 value propositions 同其他人有甚麼不同？ What customers? What needs? What price? 你的競爭甜點 competitive sweet spot 又在那裡? Where is your zone D? 你啲力有幾多放係嗰道呢？
www.edwinlee.com.hk 聯絡李根興 Edwin (+852) 90361143 ▸更多文章：舖位投資心得 | 李根興先生 (盛滙商鋪基金管理有限公司行政總裁)
www.edwinlee.com.hk 聯絡李根興 Edwin (+852) 90361143 ▸更多文章：舖位投資心得 | 李根興先生 (盛滙商鋪基金管理有限公司行政總裁)
（文章內容純屬作家個人意見，並不代表本網頁立場）
贊助
