《夜半無人「絲語」時》

業主先賣樓後移英 免被徵重稅

有人話，現在香港樓價大跌，不少收緊租的業主都劈價賣樓，前景認真唔樂觀，今次真係「走得摩，冇鼻哥」。有一位新到埗的移英港人立刻話，千祈唔好笑那些業主，他們雖然劈價，仍然賺到笑，如果以BNO身分入境之前沒有將物業賣走，立刻會變成一個賦稅居民。當物業賣出時，要畀40%賺價的稅給英國政府。不過，劈價賣樓代表那些業主是身在曹營心在漢，始終掛住香港人，不是全心全意的同路人。

有人話，剛用了1小時最低工資買了1公斤牛油；在香港要用3小時最低工資才可以買到半公斤。另一位不同意，佢話條數唔係咁計，早兩日，佢走去食一碟牛腩麵加一碗淨雲吞，用了400港元，在香港約是100元，有地緣因素影響，不能比較。英國最低工資是90港元，比香港的37.5港元高很多，又有人唔同意，佢話有一個在香港開兩餸飯店的朋友話，要用850元請人做10小時，做唔夠照付850元，做多咗要補水，最低工資可能有誤會。

英國領班入嚟對所有人講，由今個星期開始，一個星期返4日，下一個星期返5日。有人立刻問，工資是否一樣，領班話當然唔係，呢度係英國，唔係香港建造業議會，生意唔夠才出此下策，返4日收4日工資。有人立刻話，不如開始返5日，下一個星期才返4日，萬一工廠執笠，都做多一日，領班話冇問題。

港人應爭取1年可申移民 5年後入籍

領班入房對主管講，班香港人黐線，一日半日都咁計較，英國政府的BNO 5+1又接受，唔怕5年之後話不合格，送他們返香港。如果要爭取，4日、5日冇乜意思，倒不如爭取1+5，住滿1年可以申請移民，5年後可以入籍，就算不合格一年之後就知道。

（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）

▸更多文章：投資心得文章 | 湯文亮 紀惠集團行政總裁