《虛幣是投資界的過牆梯》

有人問我有冇用虛幣交易，本來是沒有，但有一次，我打算賣走一個在有外匯管制國家的物業，但心大心細，雖然價錢唔錯，但賣走之後又唔可以將資金調回香港，買家知道之後話不如用虛幣交易。我記起外匯管制是張良計，虛幣可能是過牆梯，於是大膽嘗試，最後交易成功。當時虛幣曾經大跌，不少人笑我做錯決定，好彩我沒有欠債，可以等到虛幣大升的時候才賣走。

輸過才讓人認識虛幣

近日虛幣跌到阿媽都唔認得，立刻有不少世界名人表示虛幣是一個騙局，應該一文不值，傻人才會買。老實說，虛幣已經跌了咁多，唔講兩句安慰說話都唔好落井下石，正所謂今日留一線，第日好相見。况且投資的事，就好似《紅樓夢》裏面所說，「假作真時真亦假」。日圓是真的，一樣可以跌很多。

其實不用擔心玩虛幣的人，就好似一個入賭場的人，如果他只買圍骰，注碼一定唔會大，唔會輸死，倒不如讓那些人早日了解逢賭必輸的道理，他們就不會沉迷賭博，小注怡情或者會有。叫人唔好玩虛幣，倒不如讓那些人早一日認識虛幣，早一日中箭，早一日離場，唔好好似新加坡仔中足三箭，現在想翻身都難。